Lexiconia: Verilənlərin Miqrasiyası

Siz "Lexiconia" adlı çox məşhur onlayn multiplayer söz oyunu yaradan bir şirkətdə işləyirsiniz. Oyunu oynamaq üçün hər bir oyunçuya 13 hərf verilir və onlar bu hərflərin yerini dəyişdirərək sözlər yaratmalıdırlar. Bəzi hərflərlə söz yaratmaq digərlərinə nisbətən daha asan olduğu üçün, fərqli hərflərin fərqli xal dəyərləri var.

Oyun əvvəlcə yalnız ingilis dilində fəaliyyətə başlayıb, lakin çox populyarlaşdığı üçün şirkət indi digər dillərə də genişlənmək istəyir. Fərqli dillər hərflər üçün fərqli xal dəyərlərini dəstəkləməlidir. Məsələn, 'C' hərfi ingilis dilində kifayət qədər yaygındır və cəmi 3 xal dəyərindədir. Lakin Norveç dilində bu çox nadir hərfdir və 10 xal dəyərindədir.

Yeni dillərin əlavə edilməsini asanlaşdırmaq üçün komandanız oyunda hərflərin və onların xal dəyərlərinin yadda saxlanma formatını dəyişdirməlidir.

Hazırda hərflər xallarına görə qruplaşdırılaraq bire-çox (one-to-many) formatında saxlanılır. Məsələn:

• 1 xal: "A", "E", "I", "O", "U", "L", "N", "R", "S", "T"

• 2 xal: "D", "G"

• 3 xal: "B", "C", "M", "P"

Bu sistem dəyişdirilməli və hər bir hərf öz xalı ilə bire-bir (one-to-one) formatında saxlanılmalıdır. Eyni zamanda komanda qərara gəlib ki, bütün hərflər böyük hərflərdən kiçik hərflərə (lowercase) çevrilməlidir. Yəni yekun nəticə belə olmalıdır:

a 1
b 3
c 3
d 2

Sizin vəzifəniz verilmiş köhnə formatlı məlumatları oxuyub, yeni formata çevirən proqram yazmaqdır.

Giriş verilənləri:

Birinci sətirdə xal qruplarının sayını bildirən N tam ədədi verilir.

Daha sonra N sətrin hər birində aşağıdakı məlumat qrupu verilir.

X K L1 L2 … LK

• X – həmin qrupa aid hərflərin xalı.

• K – həmin qrupa daxil olan hərflərin sayı.

• L1 … LK – K boşluqlarla ayrılmış şəkildə həmin qrupa daxil olan hərflər.

Çıxış verilənləri:

Yeni formata çevrilmiş hərfləri və onların xallarını aralarında boşluq olmaqla çap edin.

Çıxışın düzgün yoxlanıla bilməsi üçün hərflər mütləq əlifba sırası ilə (a-dan z-ə) alt-alta çap edilməlidir. Bütün hərflər kiçik (lowercase) olmalıdır.